नयाँ वर्षको पुर्वसन्ध्या पारेर टिम नेपो नामक च्यारिटि युवा संस्थाले हिजो नेपाल मेगा कलेज, बबरमहल बाट, एक टक प्रोग्राम सिरिज ‘चिन्तन चौतारी’ को सुरुवात गरेको छ । यस चौतारीका पहिला वक्ताका रुपमा भारत, गोवाका सद्गुरु (डा.) चरुदत्त पिंगेल ले ‘युवा, स्वास्थ्य र जीवनशैली’ शिर्षकमा आफ्नो प्रस्तुति दिनुभयो ।
चिन्तन चौतारी, टक प्रोग्राम सिरिज हो जस्ले राष्ट्रिय तथा अन्तराष्ट्रिय विज्ञ वक्ता तथा विद्वान व्यक्तिहरुलाई युवाहरु माझ प्रस्तुत गराउदछ र वक्ताहरुले आफ्ना कथा, भोगाइ र ज्ञान युवाहरुलाई विभिन्न माध्यमबाट बाढ्दछन । युवाहरु धेरै कुराका भोका हुन्छन, उनीहरुसंग उर्जा र जोस हुन्छ तर विषयवस्तुको पूर्ण ज्ञान को कमिले गर्दा धेरै युवाहरुमा अन्योलता बढीभएको पाइन्छ । त्यसैले यस चौतारीको मुख्य उधेश्य भनेको विभिन्न क्षेत्रका विद्वानहरु र उर्जाशील युवाहरु बीच प्रश्नोत्तर गराई उनीहरुको अन्योलता हटाई राम्रा कार्यहरुमा लाग्न प्रेरणा दिनु हो भनेर टिम नेपोका संस्थापक अध्यक्ष निगम पौडेल ले बताउनु भयो । र १०० औ एपीसोड सम्म वातावरण, विज्ञान, चिकित्सा, प्रविधि, इतिहास, भाषा, कानुन, कला, साहित्य, संगीत, वेद, दर्शन, आध्यात्म, नैतिक शिक्षा, अर्थशास्त्र, व्यवसाय र कृषि जस्ता विषयका विज्ञहरुलाई प्रस्तुत गर्ने योजना रहेको पनि पौडेलले प्रस्ट्याउनु भयो ।
चौतारीको फरम्याट अनुसार २ घण्टा समय वक्ताको आफ्नो प्रस्तुती का लागि समय छुट्यायिएको हुन्छ भने आधा घण्टा प्रश्नोत्तर सेसन चल्दछ । हिजोको प्रश्नोत्तर सत्रमा आएका प्रश्नहरुको जवाफ दिदै सद्गुरु चरुदत्तले सहभागीको उत्सुकता देखेर निकै खुसि लागेको बताउनु भयो यसका साथै यस कार्यक्रम को ढाचा र चौतारी को अर्थ कार्यक्रम संग निकै मिलेको भन्दै यस कार्यक्रम १००औ सस्करण सम्म चलिराखोस र हजारौ युवाहरुलाई प्रेरणा दियोस भनेर शुभकामाना पनि दिनुभयो । आफ्नो प्रस्तुतिमा उहाँले जीवनको अर्थ, सुख-दुख को कारण, व्यक्तिगत आचारण, जीवनशैली का विषयमा बोल्नु भएको थियो ।
६० भन्दा बढी युवाहरु उपस्थित भएको उक्त कार्यक्रमको संचालन टिम नेपो कै प्रतिमा ढकालले गर्नुभएको थियो भने संस्थाले सुरु गरेका अन्य ठुला अभियानहरु, मेरो रुख र पुस्तक परियोजना का बारेमा टिम नेपोका इन्टर्न नारायण खनालले बोल्नु भएको थियो ।
Source: Hulaki Baje http://hulakibaje.com/archives/272?fbclid=IwAR16mzyvFy8hC6KtX4XMYG6aPaBT-W2L-1V77sV7IMNuwdBCKAbQRn38kd0
