प्लास्टिकले वातावरण र मानव स्वास्थ्यमा पारेको नकारात्मक असर र न्युनीकरण विषयमा छलफल कार्यक्रम सम्पन्न भएको छ । विभिन्न प्लास्टिकका झोला तथा अन्य सामाग्री जथाभावी फाल्दा तथा बाल्दा स्वास्थ्यमा नकरात्मक असर पार्ने भएकाले सामाजिक जागरणका लागि बहस संचालन गरेको टिम नेपोका अध्यक्ष निगम पौडेलले जानकारी गराउनुभयो ।
वातावरण तथा जलवायु परिवर्तनका विषय विज्ञ युगेन मानन्धरले युवा वर्गलाई प्लास्टिक प्रदुषणका असरबारे जानकारी गराउदै त्यसको असर न्युनीकरणमा लाग्न प्रेरित गर्नुभयो । उहाँले प्लास्टिकका कारण नदी तथा जल सम्पदा मृत भएका, मानव स्वास्थ्य तथा जैविक प्राणीमा परिरहेको असर न्युनीकरण गराउने प्रमुख दायित्व सचेत नागरिकको रहेकाले यस्ता विषयमा जनचेतनामुलक कार्यक्रममा केन्द्रित हुन आग्रह गर्नुभयो । संस्थाका अध्यक्ष पौडेलले मानिसले व्यक्तिगत तह तथा समाजमा प्लास्टिक प्रयोगलाई निरुत्साहित गर्न आग्रह गर्नुभयो ।
टिम नेपोले वातावरणका विभिन्न विषयमा युवा केन्द्रित छलफल कार्यक्रम चलाउदै आईरहेको छ ।
Source: EcoSamachar https://ecosamachar.com/2019-04-452082394
